កាលពីថ្ងៃអង្គារកន្លងទៅនេះGoogle បានប្រកាសបញ្ចេញ Smartphone របស់ខ្លួនក្នុងព្រឹត្តិការណ៍មួយនៅទីក្រុង New York ។ សម្រាប់អ្នកដែលនិយមតាមដានព័ត៌មានបច្ចេកវិទ្យានិង
Hardware ប្រហែលជាមិនទាន់បានដឹងអំពីលក្ខណៈមួយចំនួននៅក្នុងការ
Design របស់ Pixel 3 នៅឡើយទេ។
Google បានបង្ហើបប្រាប់ទៅ Tech Insider តាមរយៈ Twitter មុនព្រឹត្តិការណ៍ពិពណ៍របស់ខ្លួនថាអ្នកដែលបង្កើតពាក្យចចាមអារាមនិងអ្នកដែលប្រឌិតទាំងអស់មិនទាន់បានដឹង
ពីលក្ខណៈរបស់
Smartphone ទាំងនេះនោះទេ។ Google បានបង្ហាញអំពីអនាគតលក្ខណៈពិសេសថ្មីរបស់ Software (ជាពិសេសទាក់ទងនឹង Camera) ដែលយើងអាចនឹងរំភើបក្នុងការចាប់កាន់និងសាកល្បងក្នុងរយៈពេលពីរបីថ្ងៃខាងមុខ។
តោះឥឡូវនេះយើងមកមើលអំពីរូបរាងរបស់ Pixel 3 និង Pixel XL ទាំងអស់គ្នា៖
ចំពោះរូបរាងទាំងពីរម៉ូឌែលនេះ
វាមានទំហំធំ មានចន្លោះទំនេរលើអេក្រង់ និងមានសម្លេងលឺផងដែរ!
ចំពោះពាក្យចចាមអារាមដែលថាទូរស័ព្ទវ័យឆ្លាតរបស់
Googleនឹងមានរូបរាងឆកគឺវាមានតែនៅលើ Pixel XL តែប៉ុណ្ណោះ
ប្រសើរហើយដែលវាមិនមាននៅលើទូរស័ព្ទទាំងពីរម៉ូឌែល
ព្រោះអ្នកប្រើប្រាស់មិនសូវជាពេញចិត្តប៉ុន្មានទេជាមួយនឹងរូបរាងឆកបែបនេះ
ក៏ប៉ុន្តែចំពោះម៉ូឌែល Pixel 3
ធម្មតាក៏នៅមានចំណុចខ្វះខាតត្រង់ថាវាមាននៅសល់ផ្ទៃអេក្រង់ទំនេរច្រើនទាំងផ្នែកខាងលើនិងផ្នែកខាងក្រោមរបស់អេក្រង់។
ចំពោះម៉ូឌែល Pixel 3 មានអេក្រង់ទំហំ 5.5-inch និង OLED display ចំណែកឯ Pixel 3 XL មានអេក្រង់ទំហំ 6.3-inch និងកញ្ចក់ OLED ។
ទូរស័ព្ទទាំងពីរម៉ូឌែលមានអេក្រង់ធំជាងមុនបើប្រៀបធៀបទៅនឹងម៉ូឌែលមុនៗគឺ
Pixel 2 និង Pixel 2 XL ។
តែទោះជាយ៉ាងណាក៏វាមិនធំជាងម៉ូឌែលមុនៗប៉ុន្មានដែរ ។
ទូរស័ព្ទសេរី Pixel 3 ទាំងនេះមាន two-tone
glass back យ៉ាងស្រស់ស្អាត។
នៅពេលដែលយើងចាប់កាន់ម៉ូឌែលទាំងពីរនេះ
យើងនឹងច្បាស់ជាមានអារម្មណ៍ ថាវាមានលក្ខណៈ premium (គឺល្អប្រសើរ)
ជាងម៉ូឌែល Pixel មុនៗ។
លក្ខណៈ premium ទាំងអស់នេះបានបង្ហាញអំពីរបៀបដែលទូរស័ព្ទផ្តល់នូវអារម្មណ៍ក៏ដូចជារូបរាងដ៏ទាក់ទាញផងដែរ
ជាពិសេសជាមួយនឹង glass
back ថ្មីរបស់ទូរស័ព្ទទាំងនេះ
គឺវាមានកញ្ចក់ពេញតួខាងក្រោយជាមួយនឹងសំបកពីរជាន់និងពីរពណ៌។
ផ្ទៃខាងលើរបស់វាមានភាពរលោង
ចំណែកឯផ្ទៃខាងក្រោមគឺមានលក្ខណៈកញ្ចក់ម៉ដ្ឋសាយ។ ការ Design ថ្មីនេះបានធ្វើអោយសេរី Pixel របស់ Google ទាំងនេះអាចប្រៀបធៀបឬប្រកួតប្រជែងជាមួយនឹង Smartphones សេរីទំនើបដទៃទៀតបាន។
ចំណុចមួយទៀតចំពោះម៉ូឌែល Pixel 3 និង Pixel
XL គឺមានប៊ូតុងបិទបើកពណ៍បៃតងខ្ចីដែលគួរអោយស្រឡាញ់។
ទូរស័ព្ទទាំងពីរម៉ូឌែលនេះដំណើរការជាមួយ chip ដូចទៅនឹង Smartphone ទំនើបៗដទៃទៀតក្នុងឆ្នាំ 2018 នេះ។
សេរី Pixel 3 ទាំងពីរនេះដំណើរការជាមួយនឹងឈីប Snapdragon 845 ដែលបង្កើតឡើងដោយ Qualcomm ដែលមាន 4GB RAM ដែលធ្វើអោយម៉ាស៊ីនដំណើរការក្នុងល្បឿនលឿននិងមានលក្ខណៈរលូន។
ទោះបីជាទូរស័ព្ទម៉ូដែលផ្សេងៗមាន RAM ធំជាងនេះ
ក៏ប៉ុន្តែទូរស័ព្ទម៉ូឌែល Pixel 3 គឺម្រូវជាមួយនឹង Specs របស់វាជាពិសេសស្របទៅនឹងដំណើរការនៃ Clean Version របស់វា។
ទូរស័ព្ទទាំងពីរម៉ូឌែលនៅតែបង្ហាញខ្លួនជាមួយនឹងប្រព័ន្ធកាមេរា
Lens ខាងក្រោយមួយគ្រាប់ដដែល ក៏ប៉ុន្តែក៏មិនមានដំណឹងថា Google ចង់បំពាក់នូវ Lens លើសពីមួយគ្រាប់ដែរ។
Google បានណែនាំអំពីលក្ខណៈពិសេសថ្មីបីយ៉ាងសម្រាប់កាមេរារបស់
Pixel 3 ដែលនឹងត្រូវបង្ហាញខ្លួនជាមួយនឹងម៉ូឌែលក្រោយៗផងដែរ។
-លក្ខណៈពិសេស Top Shot ប្រើប្រាស់បច្ចេកវិទ្យាទប់លំនឹងនៅលើ Pixel 3 ដើម្បីថតយករូបភាពជាច្រើនមុននិងក្រោយពេលដែលអ្នកចុចប៊ូតុងថត។
បើសិនជានៅពេលដែលអ្នកចុចប៊ូតុងថតមានបញ្ហា ដូចជាមាននរណាម្នាក់ព្រិចភ្នែកឬធ្វើចលនាមិនសមស្របណាមួយនៅវិនាទីចុងក្រោយ
Top Shop និងផ្តិតយករូបណាដែលល្អបំផុត។
-Google ក៏បានណែនាំអំពី Super Res Zoom ដែលវាជួយនៅក្នុងការពង្រីករូបភាព Digital នៅលើទូរស័ព្ទ Pixel បានយ៉ាងច្រើន។
ឥឡូវវាស្រដៀងទៅនឹងការពង្រីកអុបទិកដែរដែលអ្នកនឹងឃើញនៅលើកាមេរាជាមួយនឹង Lens ពីរគ្រាប់។
-លក្ខណៈពិសេស Night Sight (សម្រាប់ថតរូបនៅពេលយប់) នឹងធ្វើអោយរូបភាពថតបានកាន់តែច្បាស់នៅកន្លែងដែលមានពន្លឺខ្សោយដោយមិនចាំបាច់ប្រើប្រាស់កាមេរាដែលមានជំរៅជ្រៅធំទូលាយដូចដែលមានបំពាក់នៅ
Samsung Galaxy ជំនាន់ចុងក្រោយ។
លក្ខណៈពិសេសនិងបង្ហាញខ្លួននៅខែតុលានេះ។
លក្ខណៈពិសេសទាំងអស់ខាងលើនេះមានមូលដ្ឋានដោយម៉ាស៊ីនរៀនដោយស្វ័យប្រវត្តិរបស់
Google គឺប្រាជ្ញាសិប្បនិម្មិត និងផ្តោតលើ Software ជាជាង Hardware ។ Google
បានបង្ហាញថាការអភិវឌ្ឍខាងផ្នែកSoftware អាចនឹងល្អប្រសើរដូចទៅនឹងការអភិវឌ្ឍខាងផ្នែក Hardware ដែរ។
ខាងក្រោមនេះគឺជារូបថតជាក់ស្តែងដែលបានថតដោយបច្ចេកវិទ្យាថ្មីមួយនេះ។
រូបភាពមើលទៅពិតជាល្អខ្លាំងណាស់
ដែលមានពន្លឺភ្លឺច្បាស់ដែលថតលក្ខណៈធម្មតានៅលើទូរស័ព្ទ Pixel ដោយពុំមានការកាត់ត ហើយមើលទៅគួរអោយចូលចិត្ត។
Google ក៏បានបំពាក់នូវកាមេរា Selfie ពីរគ្រាប់ផងដែរនៅលើទូរស័ព្ទ Pixel
ជំនួសអោយការបន្ថែមកាមេរានៅផ្នែកខាងក្រោយ
Google បានបន្ថែមកាមេរា Selfie នៅនឹងកាមេរាខាងមុខ។ Lens ទី២ គឺជា Lens ដែលមានមុំធំទូលាយដែលស្រដៀងទៅនឹងអ្វីដែលយើងបានឃើញនៅលើ LG V40 ។ វាអនុញ្ញាតអោយយើង Selfie បានគ្នាច្រើន
ជាមួយនឹងមនុស្សនៅជុំវិញនោះអំឡុងពេល Selfie ។
Google បានបន្ថែមលក្ខណៈពិសេសមួយទៀតនៅលើ Pixel 3 ដែលមិនមាននៅលើទូរស័ព្ទ Pixels ជំនាន់មុនៗ
មិនដូចជា Pixel និង Pixel 2 ទេ ឥឡូវនេះ Pixel 3 មាន Wireless Charging (បញ្ចូលថ្មទូរស័ព្ទដោយពុំចាំបាច់ប្រើខ្សែ) ។
ជាមួយគ្នានោះដែរ Google
ក៏បានប្រកាសជាផ្លូវការនៅជើងទ្របញ្ចូលថ្ម
Wireless charging
Pixel Stand ដែលវាក៏មានបំពាក់នូវជំនួយការ
Google Assitant ដែលមានសមត្ថភាពខ្លះៗផងដែរ។
តើអ្នកគិតយ៉ាងណាដែរជាមួយនឹងម៉ូឌែលថ្មីទាំងនេះ?
Translated by Veasna WT
Source: Business Insider
0 Comments